Useyi-free agent umdlali weBafana Bafana uThabo Cele ngemuva kokwehlukana nekilabhu yaseRussia, iFakel Voronezh.
Ngokusho kwale kilabhu, lo mdlali unqamule inkontileka yakhe nayo ngenxa yezizathu ezithinta umndeni wakhe.
Ngokwesivumelwano phakathi kukaCele neVoronezh, uzovunyelwa ukudlalela kuphela ikilabhu yaseNingizimu Afrika, kuze kufike isikhathi obekuzophela ngaso inkontileka yakhe, okuwuNhlangulana (June) walo nyaka.
Bekulokhu kunamahlebezi athi kunamakilabhu akuleli acathamela lo mdlali olihlikihla esiswini, okuba kuwona izinkunzi zaseSoweto, iKaizer Chiefs.
